Arquivo da Emigración Galega (CCG)
Cidade da Cultura de Galicia
Edificio da Biblioteca de Galicia, 1º andar
Monte Gaiás, s/n. CP 15707
Santiago de Compostela
aemigracion@consellodacultura.gal
Tel: +34 881 995 143 | +34 881 995 148
Noticia

Aberto o prazo de inscrición para o seminario que estuda os exilios ibéricos en clave comparada

O 15 de novembro de 1944, Alfonso Rodríguez Castelao, Elpidio Villaverde Rey, Ramón Suárez Picallo e Alonso ríos crearon en Montevideo o Consello de Galiza para “gardar, manter e defender a vontade do pobo galego”, tal e como figura na súa acta de constitución. Setenta anos despois, o Consello da Cultura Galega organiza o seminario Os exilios ibéricos en clave comparada que aproveita esta efeméride para analizar o fenómeno do exilio en clave contemporánea. A cita, cun marcado carácter internacional, terá lugar os días 14 e 15 de novembro na sede da institución. O seminario é de balde (hai 100 prazas) e ten aberto o seu prazo de inscrición, que se pode facer a través do web.

Os exilios ibéricos en clave comparada: nos 70 anos da Fundación do Consello de Galiza é un seminario que destaca por dúas cousas. Dunha banda, porque por primeira vez se abordan os exilio políticos de xeito comparado. Da outra, porque iso permite facelo desde unha perspectiva internacional, que se ve reflectido na procedencia dos relatores do programa. Deste xeito, o seminario pretende ser unha contribución á memoria cultural e política do país.

Os exilios a análise en tres seccións
O programa divídese en tres seccións, que se sucederán tras a palestra inaugural, a cargo de Ramón Villares, presidente do Consello da Cultura Galega, quen falará do Consello de Galiza e dos exilios ibéricos.

A primeira sección pretende situar o debate no terro teórico. Nela estará presente Fernando J. Devoto, da Universidade de Bos Aires, que falará das nocións, ideas e problemas das figuras dos exiliados e dos emigrantes. Canda el, Xosé Manuel Núñez Seixas, da Ludwig-Maximilians Universität en Múnic, situará os exilios entre a historia política e a historia transnacional. Pecha esta sesión Pablo Yankelevich, do Colexio de México, cun relatorio titulado “Experiencias de exilio na historia recente de América Latina”.
A segunda sección ofrecerá unha ollada transversal sobre os exilios. Para facelo estará Andrea Acle-Kreysing, da Ludwig-Maximilians Universität en Múnic, que falará de exiliados europeos e a cultura antifascita na Cidade de México e Bos Aires. Desde a Universitá degli Studi diVerona chegará Federica Beragna, quen exporá o relatorio titulado “O exilio de nazis, fascistas e colaboracionistas logo da Segunda Guerra Mundial”. Pecha esta sesión Víctor Santidrián Arias, da Fundación 10 de Marzo, que abordará o caso galego dentro do exilio comunista internacional.
A última mesa, que terá lugar na sesión da mañá do sábado, é a que permitirá coñecer os exilios ibéricos. Do caso portugués falará Víctor Pereira, da Université de Pau et des Pays de l’Adour.; do vascos farao Óscar Álvarez Gila, da Euskal Herriko Unibertsitatea, e do catalán explicarao Ángel Duarte, da Universitat de Girona. Canda eles, Emilo Grandío, da Universidade de Santiago de Compostela, abordará o caso galego, tomando como exemplo a figura de Salvador de Madariaga.

A actividade na traxectoria do Consello da Cultura Galega
A realización deste seminario, que pretende homenaxear os setenta anos da creación do Consello de Galiza, sitúase nunha liña de traballo do CCG de ocuparse da Galicia do exterior. Unha acción en que desenvolve un papel moi destacado o Arquivo da Emigración Galega, que leva desde o ano 1992 traballando como un centro de documentación, investigación e difusión referencial no ámbito da emigración e do exilio

Nesa estratexia encádrase a edición do poemario Pranto matricial, que Valentín Paz-Andrade dedicou á memoria do “irmán Daniel”. Máis recentemente no tempo, no mes de xuño tiveron lugar varios actos conmemorativos doutra efeméride, a primeira edición de Sempre en Galiza, que se presentou o 2 de xullo de 1944 no salón do Prince George´s Hall de Bos Aires. Este ano tivo lugar un acto institucional no Parlamento galego, no que se presentou unha aplicación para dispositivos móbiles que consiste na edición dixital aumentada do texto e mais contidos adicionais (estudos sobre o proceso de creación e documentación da obra, materiais adicionais, biografías de Castelao, fotogalerías, vídeos, etc.), e se fixeron lecturas colectivas do texto.
DESTACADOS
A partir do día 3 de novembro estará na Casa da Cultura da Baña, tamén coñecida como a antiga Obra Pía.
Neste concello a pegada da acción filantrópica dos seus emigrantes está presente en tres edificios emblemáticos para os seus habitantes: a xa mencionada Obra Pía, fundada polo indiano Rafael Díaz, a comezos do século XIX; a Casa-escola de Seoane, na parroquia de San Xoán de Barcala, obra da sociedade de instrución "Unión Barcalesa" e o Colexio Cuba, construído pola sociedade habaneira "La Baña y su Comarca".
Promovida polo Consello da Cultura Galega (CCG), a través do seu Arquivo da Emigración Galega, e coa colaboración da Secretaría Xeral de Emigración, "Luces de Alén Mar", continúa o seu percorrido polos concellos galegos para difundir o labor dos nosos emigrantes a prol da educación en Galicia.
Consulta a nosa web e poderás coñecer datos tanto dos edificios escolares como dos seus promotores, que tanto ben fixeron pola formación educativa dos bañenses.
Proxecto de recuperación documental e fotográfica da emigración galega
Congreso Santiago, 28 de setembro-1 de outubro de 2016
Documentos, fotografías, obxectos, películas....calquera formato que recolla a historia da emigración serve. O Arquivo da Emigracion Galega recupera este patrimonio no marco dun proxecto que abre novos camiños. Agora, o Concello de Ribadeo abre unha vía permanente para documentar o legado da emigración. Neste folleto tes toda a información.
A publicación que xuntou a intelectualidade galega residente en Arxentina nos anos 20
Campaña de recollida das coleccións particulares dos nosos emigrantes
Entre Arxentina e Galicia, máis de 1600 cartas para coñecer as relacións de Seoane cos intelectuais das súas dúas patrias.
publicacions








Ver todas
Últimas NOTICIAS
09/08/2018
"Luces de Alén Mar" visita Ares
07/07/2017
O Consello da Cultura Galega recupera material da emigración no marco do Ribadeo Indiano
30/09/2016
A 26 Conferencia Anual da AEMI conclúe coa reivindicación das migracións como elemento clave da Historia da Humanidade
07/06/2016
Posta en marcha no Concello de Ribadeo do Proxecto de recuperación documental e fotográfica da emigración galega
27/11/2015
Morre Xosé Neira Vilas, voz da emigración
05/11/2015
X Ciclo de conferencias organizado pola Cátedra UNESCO 226 sobre Migracións, da Universidade de Santiago de Compostela
23/09/2015
O Consello da Cultura Galega participa na xuntanza anual da Asociación Europea de Institucións Migratorias (AEMI) en Turín
14/11/2014
Un seminario destaca o carácter simbólico do Consello de Galiza, no setenta aniversario da súa creación
11/11/2014
Publicada xa a Guía del nuevo emigrante
07/11/2014
Aberto o prazo de inscrición para o seminario que estuda os exilios ibéricos en clave comparada

Consello da Cultura Galega en Facebook Consello da Cultura en Twitter

Identidade | Perfil do contratante | Lei de Transparencia | Aviso Legal | | Pazo de Raxoi, 2º andar - 15705 Santiago de Compostela - A Coruña. Teléfono: +34 981957202 Fax: +34 981957205