Arquivo da Emigración Galega (CCG)
Cidade da Cultura de Galicia
Edificio da Biblioteca de Galicia, 1º andar
Monte Gaiás, s/n. CP 15707
Santiago de Compostela
aemigracion@consellodacultura.gal
Tel: +34 881 995 143 | +34 881 995 148
Noticia

Morre Xosé Neira Vilas, voz da emigración

Foi membro do Comisión de Cultura Galega no Exterior do Consello da Cultura Galega e un dos escritores máis sobranceiros da cultura galega. A súa obra está marcada pola emigración que viviu en primeira persoa entre Arxentina e Cuba. Compilamos algunhas das súas participacións nesta institución arredor do fenómeno migratorio.

Ramón Villares, presidente do Consello da Cultura Galega (CCG), destacou del que “representa esa característica esencial da cultura galega do século XX, que é unha combinación de Galicia-Europea e Galicia-Americana”. Na opinión do presidente do CCG na figura de Xosé Neira Vilas concéntranse varias facetas “foi un emigrante que se transformou nun autor en Bos Aires grazas ao contacto cos exiliados. Neste sentido, el é fruto do exilio máis que da emigración e combina as dúas cousas; pero tamén foi un soñador que coa súa muller Anisia se desplazou a Cuba para apoiar a revolución, como tantos latinoamericanos que crían naquel proxecto”. Ademais, Villares sintetiza a súa traxectoria vital en catro etapas “unha mocidade en Galicia, un período de formación intensísimo en Bos aires, unha experiencia que ten que ver coa creación, pero tamén coa política e coa revolución. E, por último, un retorno feliz e moi fecundo a Galicia desde os anos noventa”.


Biografía
Naceu na parroquia de Santiago de Gres (Vila de Cruces) o 3 de novembro de 1928. Escritor. Chegou a Bos Aires o 10 de febreiro de 1949 a bordo do buque Cabo de Buena Esperanza. En Bos Aires realizou diversos traballos: dependente dunha casa almacenista de tecidos, empregado dunha panadaría, traballou nunha madeireira, etc. Compatibilizou o traballo co estudo: concorreu á escola de Xornalismo do Colexio Nacional de Bos Aires, participou nos Seminarios do Instituto Grafotécnico, estudou música e, finalmente, graduouse como perito mercantil. En Bos Aires estivo en contacto permanente cun importante grupo de intelectuais galegos: Luís Seoane, Eduardo Blanco Amor, Arturo Cuadrado, Lorenzo Varela... En 1953 participou na formación das Mocedades Galeguistas, grupo que editaba o xornal Adiante. Ademais de con esta publicación, Neira Vilas colabora con outros medios como Opinión Gallega, Galicia, Lugo, Galicia Emigrante, entre outros. En 1956 formou parte da Comisión Organizadora do Primeiro Congreso da Emigración Galega en América.
En 1957 casou con Anisia Miranda, escritora cubana filla de galegos. Ambos fundaron en 1957 a libraría-editorial Follas Novas, que realizou un importante labor difusor do libro galego na Arxentina. Esta editora organizou a Feria del Libro Gallego e patrocinou a emisión radial Mirador Bibliográfico Gallego. Entre a súa obra publicada en Bos Aires cómpre destacar: Dende lonxe (Bos Aires, Follas Novas, 1960), libro de poemas; Memorias dun neno labrego (Bos Aires, Follas Novas, 1961), un dos principais títulos da literatura galega contemporánea.
En Uruguai editou Historias de emigrantes (Montevideo, Patronato da Cultura Galega, 1968). Traduciu ao galego o libro de Víctor Luis Molinari Itinerario gallego (Bos Aires, Follas Novas, 1958). En 1961 trasladouse coa súa dona a Cuba. En 1992 regresou definitivamente a Galicia.
A súa ficha

Material

*No primeiro congreso da emigración galega. Presentou a este Congreso unha «Ponencia a prol do encauzamento dos mozos emigrantes nas sociedás galegas de América», dentro da Comisión D (O problema do emigrado galego).
Descarga as actas e consulta información sobre o congreso

*En 2014 presentou a publicación: “Galicia en Cuba. Lingua, Rosalía, loitas” que compila tres volumes no que recolle a presenza galega dos 31 anos que viviu naquela illa. Consulta a publicación
AUDIOS
DOCUMENTOS
Cartaz do Iº Congreso da Emigración Galega
Felicitacións de persoeiros da cultura galega ao labor desenvolvido na librería Follas Novas
DESTACADOS
A partir do día 3 de novembro estará na Casa da Cultura da Baña, tamén coñecida como a antiga Obra Pía.
Neste concello a pegada da acción filantrópica dos seus emigrantes está presente en tres edificios emblemáticos para os seus habitantes: a xa mencionada Obra Pía, fundada polo indiano Rafael Díaz, a comezos do século XIX; a Casa-escola de Seoane, na parroquia de San Xoán de Barcala, obra da sociedade de instrución "Unión Barcalesa" e o Colexio Cuba, construído pola sociedade habaneira "La Baña y su Comarca".
Promovida polo Consello da Cultura Galega (CCG), a través do seu Arquivo da Emigración Galega, e coa colaboración da Secretaría Xeral de Emigración, "Luces de Alén Mar", continúa o seu percorrido polos concellos galegos para difundir o labor dos nosos emigrantes a prol da educación en Galicia.
Consulta a nosa web e poderás coñecer datos tanto dos edificios escolares como dos seus promotores, que tanto ben fixeron pola formación educativa dos bañenses.
Proxecto de recuperación documental e fotográfica da emigración galega
Congreso Santiago, 28 de setembro-1 de outubro de 2016
Documentos, fotografías, obxectos, películas....calquera formato que recolla a historia da emigración serve. O Arquivo da Emigracion Galega recupera este patrimonio no marco dun proxecto que abre novos camiños. Agora, o Concello de Ribadeo abre unha vía permanente para documentar o legado da emigración. Neste folleto tes toda a información.
A publicación que xuntou a intelectualidade galega residente en Arxentina nos anos 20
Campaña de recollida das coleccións particulares dos nosos emigrantes
Entre Arxentina e Galicia, máis de 1600 cartas para coñecer as relacións de Seoane cos intelectuais das súas dúas patrias.
publicacions








Ver todas
Últimas NOTICIAS
09/08/2018
"Luces de Alén Mar" visita Ares
07/07/2017
O Consello da Cultura Galega recupera material da emigración no marco do Ribadeo Indiano
30/09/2016
A 26 Conferencia Anual da AEMI conclúe coa reivindicación das migracións como elemento clave da Historia da Humanidade
07/06/2016
Posta en marcha no Concello de Ribadeo do Proxecto de recuperación documental e fotográfica da emigración galega
27/11/2015
Morre Xosé Neira Vilas, voz da emigración
05/11/2015
X Ciclo de conferencias organizado pola Cátedra UNESCO 226 sobre Migracións, da Universidade de Santiago de Compostela
23/09/2015
O Consello da Cultura Galega participa na xuntanza anual da Asociación Europea de Institucións Migratorias (AEMI) en Turín
14/11/2014
Un seminario destaca o carácter simbólico do Consello de Galiza, no setenta aniversario da súa creación
11/11/2014
Publicada xa a Guía del nuevo emigrante
07/11/2014
Aberto o prazo de inscrición para o seminario que estuda os exilios ibéricos en clave comparada

Consello da Cultura Galega en Facebook Consello da Cultura en Twitter

Identidade | Perfil do contratante | Lei de Transparencia | Aviso Legal | | Pazo de Raxoi, 2º andar - 15705 Santiago de Compostela - A Coruña. Teléfono: +34 981957202 Fax: +34 981957205