Biografía de Carlos García Martínez
1945- Santiago de Compostela | 2018 Santiago de CompostelaLicenciado en Dereito pola Universidade de Santiago de Compostela. Autor de importantes achegas sobre arqueoloxía, prehistoria, folclore e etnografía de Galicia.
Foi patrón mentor e fundador do Museo do Pobo Galego, entidade que dirixiu tras a morte de Antón Fraguas e á que continúa vencellado desde outros postos de responsabilidade. Tamén foi membro do Instituto de Estudos Galegos Padre Sarmiento, académico correspondente da Real Academia Galega, integrante da Comisión Xestora do novo Seminario de Estudos Galegos, patrón fundador da Fundación Castelao e da Fundación Pedrón de Ouro, socio fundador da Asociación de Amigos do Museo do Castro de Viladonga, presidente do Consello Galego de Museos e socio da Asociación de Escritores en Lingua Galega.
Foi galardoado co Premio Trasalba, outorgado pola Fundación Otero Pedrayo, no ano 1999.
Materiais de Carlos García Martínez
Documento
Mesa redonda «As relacións Galicia-Portugal»
Este documento recolle a transcrición realizada por Amancio Liñares da mesa redonda celebrada dentro do marco do I Encontro Universitario do Noroeste Peninsular celebrado na Facultade de Xeografía e Historia da USC en 1983. Baixo o título «As relacións Galicia-Portugal, a debate» o artigo impreso publicouse case un ano máis tarde na revista Encrucillada n.º 40 (novembro-decembro de 1984, pp. 59-68).Carlos García Martínez nas actividades do CCG
Artigos
RIVAS, M. (5/1977) Poñerlle pés á lingua escrita. Teima. (22), 41-43.
Ver artigo
GARCíA MARTíNEZ, C. (2/1979) A herdanza do SEG: Cara a propia realidade nacional. Nosa Terra, A. (50), 8.
Ver artigo Fonte da dixitalización: Fundación A Nosa Terra;
GARCíA MARTíNEZ, C. (3/1980) Aproximación a unha xénese da etnia galega. Nosa Terra, A. (100), 34.
Ver artigo Fonte da dixitalización: Fundación A Nosa Terra;