Biografía de María Dolores Domínguez García
Doutora en Ciencias Sociais pola Universidade de Wageningen (Países Baixos) e licenciada en Economía pola Universidade de Vigo. Actualmente é profesora de Economía na Universidade Complutense de Madrid. A súa investigación está centrada en temas de economía agraria e socioloxía rural. Anteriormente, traballou como profesora e investigadora nas universidades de Vigo e Wageningen. Actualmente é membro colaborador dos grupos de investigación GEN (Governance and Economic Research Work, UVigo) e do grupo Social Science-Rural Sociology subdivision (WUR). Durante os últimos vinte anos participou en diferentes proxectos europeos (IMPACT, DERREG, DELTANET, SUPURBFOOD) e rexionais (sobre economía ecolóxica e valoración socioeconómica do sector agrario en Galicia).
As súas liñas de investigación inclúen a análise do impacto socioeconómico e medioambiental do sector agrario, a achega teórica e aplicada á sostibilidade, o estudo do desenvolvemento rural, a gobernanza, o manexo colectivo, a innovación social e os procesos de aprendizaxe dentro do sector agroalimentario, no ámbito rural e urbano, en Galicia.